‘O broro..
Dice qualcuno :- Nun s’è maie
capito
c’appena ce sta n’ombra ‘e
maletiempo
miette a caccavella ‘ncopp’’o
ffuoco
pe fa na tazza ‘e broro ch’è ‘a meglia
mericina pe fa passà ‘a tosse
e ‘o male ‘e pietto, ‘o catarro
forte
che m’acchiappo ogne anno cu
l’aria fredda
c’arriva d’’o Faito o d’’a
Muntagna.
L’jà fà comme ‘o faceva mamma.
Quatt’osse grosse c’’o merullo a dinto
Cu rummasuglie e ritagle ‘e carne
Po’ nierve, nervezzulle e
calletielle.
‘Int’’o vico addò io nascette
a miezojuorno ereno voce ‘e
chiammo
p’accuntenta ‘o guaglione ca
chiagneva
oppure ‘e viecchie p’’o broro e pe
lenticchie.
Si se senteva l’addore d’’e fasule,
‘o primmo ca chiagneva erano Taniello
ca vuleva ‘o broro c’‘o vascuottoe
e doppo a isso Antoni eCiretiello.
Mo sento na tritezza ‘int’’o core
e na lentia ‘e stommeco pe l’osse
e p’’o merullo ca nisciuno vo’
p’‘a laccia, p’’e cepolle e pummarole.
‘E munuzzielle era ‘a meglia pasta
Custava poco ma teneva ‘a resa
Ca ce magnava tutta na famiglia
Cu na vrancata ‘e pasta, una
quaisquigli.
Ereno ‘e teste ‘e zite e pasta
longa
Ca restavano ntretose dint’’o broro
Erano sapurite, nu tesoro
Spennenno quatte sorde, meza lira.
‘A carne pe fa ’o broro ‘un é
stimata
È tosta omme a l’uosso cchiù p’‘e
cane.
Era sempe scorze o spuntature
paletta, laciertiello o ponte’e
pietto.
Ma chello chiù certo era c’’o broro
Rigneva ‘a panza e ‘a
voglia ‘e sciuscià tanta.
Era nu spasso svutanno a
caccavella
E strille e strille: - me so’
cotta ‘a lengua.
Chiagnenno: - nun ‘o voglio cch’è
cucente.
Erano scuppulune p’’e cchiù gruosse
ca cchiù stucchiune l’educazione
s’’a metteveno ‘int’’a sacca pe
pazzià.
Quanno m’arricordo veco ‘e piatte
ca mamma ce regneva ogne tanto.
Oj mà, io tengo a panza chiene
chiena
Ma ‘o broro resta rispunneva.
Fino a sta sera nun ce sta cchiù
niente
si nun torna ‘o monuco ‘o cunvento
e porte ‘e cunfettielle ‘e
Surrentino
a chi ha fatto ‘o bravo
stammatina.
Gioacchino
Ruocco
Ostia
Lido 19/28.12.016
