‘O bene ca te voglio

‘O bene ca te voglio

C’aggia penzà ‘e te

si tu, tu nun me pienze ?

Si rieste indifferente

quanno me guarde

o me dice ch’è tarde

ca nun t’aggi’ aspettà ?

Facimmo ‘a stessa via

tutt’’e juorne,

ce canuscimme

‘a quanno simmo nate

e nun passene jurnate

senza ca ce parlammo.

C’aggia penzà ‘e te

si manco comme frate

vuò perdere cu me

cinche minute

pe dirme comme staie

o nu saluto ?

Io tutt’’e vote ca te penzo

prove nu senzo ‘e nustalgia

quanno me trovo

sulo mmiez’a via

e tu staie a nu passo

cchiù a nnanze a me.

Si io t’aspetto

e vvote cagne via

e aggio l’idea

ca nun vuò sta cu me,

ca nun me vuò senti

comm’io faccio cu te.

Quanno se cresce assieme

nun sempe po’ cunviene

si a te pare nu mbruoglio

‘o bene ca te voglio,

ca si te do na mano

triemme comme a na foglia.

‘O bene ca te voglio

è chillo ca se dice

si simme frate o amice,

ma si t’avesse perde

spero ca si felice

tanto cchiù assaje ‘e me.

Gioacchino Ruocco

Ostia Lido      27.12.017