Chesta nun è vita…

Quanta sufferenze pe murì

e quanta poche gioie pe campà

quanno vulesse a te

cchiù cumprensione

e no ‘a ragione

ca se dà a ‘e fesse.

Tanto per me ormaje

è sempe ‘o stesso.

Tiro a campà,

ma sperisco ancora

quanno me capita ‘e vede

chi se vò bene ancora.

Ormaie saccio a memoria

smerzo e deitto

‘e  chello ca tu dice.

Songo io a farme fesso

quanno dice

ca me vuò bbene ancora.

Nun passa nu munuto,

ato c’ore ca stesse sempe

a correrte po’ appriesso.

Io vaco ‘e presso

ma tu nun ‘o capisce

ca pure nu minuto me va bbuono.

Ognuno ‘e nuie

tene nu core a parte:

chi tene ll’arte

e chi se fa fà fesso.

Quanno vuò bbene

pare sempe ‘o stesso.

Ma quanno ‘o juorno

s’avvicina a ll’ora

chè overo sulo

chello ca s’è fatto

che t’aggia dì

ca io me so’ distratto ?

Ch’è colpa mia

si ‘o munno spreca

tantu bbene ‘ Ddio

facenno passà

sempe ll’ora justa

perdennete eperdennemo

dint’’o  trambusto

‘e tutte chelli chiacchiere

ca faie pe dirme si

almeno meza vota

lassannemo

comme se fa cu ‘e cane.

Ma qua’ speranza ?

E’ nu dulore ‘e panza

ca passa pe na vota

e ciento no.

Chesta  nun è ammore,

é casa ‘e tolleranza.

Gioacchino Ruocco

Ostia Lido        03.08.017