Me so ammaluto....

Me so ammaluto

Me so ammaluto

quanno t’aggio vista

cu ll’uocchie afflussionate.

Ma che m’’o dice a fa

che t’è succieso ?

Me l’ero immaginato

ca nu juorno

m’avevo piglià scuorno

pure ‘e te.

So’ ccose ca succedeno?

Ma che me viene a dì ?

Me cunta na buscia certamente

e nun vogl’jì d’’a ggente

a dummnnà chi è stato.

Me tocca cagnà vico

pe nun sentì ‘e chicchiere

‘e chi nun ce ‘a fa a stà

a starse zitto.

E beneditto sia,

ma io già ‘o sapevo

e nun ce aggio pututo.

Me dispiaceva

‘e nun te fa ‘mbarà

e nun pruvà

chello can un vuò crede.

Mò c’’a Maronna ‘o sape

e Giesu Cristo ha visto

avessemo piglià na latta ‘e scisto…

Ma comme ‘o vaco a ddì ‘o Pataterno

c’’o voglio muorto

cu tutte chi l’è muorte

bbuone o malamente.

Pietà io n’aggio avuta

pe tanta ‘e chella ggente

ma pe stu tristo no

nun pozzo averno.

Me songo prenotato già l’inferno…

‘o ffuoco eterno

pe brucià cu isso.

Gioacchino Ruocco

30.05.018   Ostia Lido