Raffaele Viviani

Don Rafè, si vuie turnate

faccio pur’io ‘a fessaria ‘e turnà.

‘A villa, mò, l’hanno accunciata

e ‘o mare sta cchiù fore.

Io m’arricorde ‘e vuie tutt’’e juorne

e tutte ‘e juorne me tornano ‘int’’o core

c’’a dudece anne , a tridece

cu ‘a famma e cu ‘o capì

cu mmano ‘o sillabbario

‘mparasteve a capì.

Io so nu paisano

c’ormaie campà luntano

ca ogne tanta torna c’’o penziero

addò aiere campavo.

Me sente, ‘e vvote,

comme a nu furastiero

pure si qualcheduno

me guarda ancora

e me vulesse di:

Ma nun si chillo ca…?

Si riturnate

comme a duie stucchiune

facimme a ce tira ‘e capille,

cu ‘ e ddete dint’a lluocchie

e ce mettimme a raccuntà

tutte ‘e papocchie

c’hammo campate,

chello ch’è stato è stato.

C’’o rischio ‘e ce truvà

chillo ca dice:

Vuie ve sbaglaite

‘e cose songo andate. e n'atu modo.

Mò v’’o cont’io.

chello c’avite fatto.

‘E paisano

ancora chesto songo.

V’’o ddico io.

Pe vuie tengo rispetto don Rafè.

E’ tanto ca ve saccio

a chillu juorno ca don Mimo Santoro

‘e vuie me parlaie.

Quanno truvaie nu libbro

ca ve raccuntava 

nun me stancaje maie ‘e leggere.

Ve sento comme a nu frate.

Me piagliate p’’a mano

e m’’e purtate

addò vulite vuie

redenno, pazzianno, facenno poesie

tanto ca nu stucchione ormaie

so’ pur’io.

Torno purio,

si riturnate vuie,

accussì ce tenimmo cumpagnia.

Gioacchino Ruocco

01.08.018   Da Ostia Lido

Raffaele Viviani