lunedì 25 novembre 2013
Hammo cacciate ‘e ccarte già tre vote
e ogne vote cagne ‘e ccarte ‘nterra.
Si carta canisciuta. Chi te piglia ?
E quanno t’’a faie cchiù tu na famiglia ?
Mettimmo ‘e carte ‘nchiaro! ‘Un ce pruvà!
Cu tte non voglio cchiù avè a che fa
pecché facenno ‘o juoco d’’e tre carte
faie carte faveze e ‘un t’arrienne.
Faie casa e chiesa e ‘int’a nisciuna trase.
Puteca e casa, ma nun si ‘o patrone.
Nun tiene manco ‘e solde d’’o pesone
e vaie facenne riebbete a parole.
Quanno haie mangiato pane e pummarole
t’’è ghiuta bbona pure si ‘n’esce ‘o sole,
tanto ‘o vestito tuio è sempe ‘o stesso
aiesce 'a tanto cu na faccia ‘e fesso.
Gioacchino Ruocco
Ostia Lido 25/11/2013
Ore 18,00
Nessun commento:
Posta un commento