Ma tu overamente… da Suspire ‘e miezejuorno."

Tengo 'int''e vene 'a gioia e 'a fantasia.

Voglio cantà pe te mille canzone.

I' nun me arrenno maie, anema mia.

Te voglio bene veramente, oj né !

Chill'atu juorno quanno te vedette

restaie comme a nu scemo a te guardà.

Sinceramente era 'a primma vota

ca te vedeva, ma che felicità !

Vengo annascuso 'e vvote a te guardà.

Te veco e resto comme a uno 'e preta.

Comme a stu pover'ommo 'e chesta statua

ca 'a tantu tiempo resta ancora ccà.

E c'aggia fà ? E si nun fosse overo ?

Nu juorno 'e chisto aggio svelà 'o mistero

venennete vicino a ncuità, 

chiedenne: - Ma tu si overamente

o si nu suonno ca ogne tanto veco ?

Quann’uno tene voglia ‘e vulè bbene

cu ‘e piede ‘nterra nun riesce a stà

e sonna, e sonna e nun se vo’ scetà.

Gioacchino Ruocco

Ostia Lido, 17/01/2014

Inserita nella raccolta:  Suspire ‘e miezejuorno.