Vestito su misura

C’’o core int’’e cazette

e quanta vote sulo

me ne so’ juto

p’’e vie ca facevo

e c’aggio sempe fatto

ca chi me guarde ancora

nun sape io a che ora

torna pe mangià

pe m’assettà a tavula

e guardà ‘nfaccia

a chi me dice

c’ancora me vo’ bbene.

Pur’ogge comme aiere

nun saccio cchiù che r’è

nu penziero doce

cu tutte chello

ca dint’’o core coce.

‘A vita cagna faccia

e chella ca se trova

nun è cchiù comme a mia

ca cchiù n’avemmaria

nun va dicenno.

‘O pataterno pare

ca s’è scurdato ‘e nuie.

Gioacchino Ruocco

Ostia Lido          30/06/2014

Inserita nella raccolta “Nu juorno comme a n’ato”