‘E ffiglie ‘e ‘Onna Rosa

‘E ffiglie ‘e ‘onna Rosa

comme t’’e guarde guarde,

so’ ddoje bellezze rare,

una cchù bbella ‘e n’ata,

Fosse sule pe llu’uocchie,

ddoje facce tonne e allere

a essere sincero

nun ce barasse proprio.

So’ ‘e mode ca esse teneno

ca cagneno a jurnata

quanno t’’e truove ‘e fronte.

‘E vvote nu surriso

po’ fa nu juorno chiaro,

cagnarte nu penziero,

parlarte comme ‘o mare

quanno na brezza ‘e viento

te porta ‘nfi’ a Surriento

e ‘o mette a nnuovo

ca ‘e vvele  cchiù cuntente.

correno ‘ncopp’a ll’onne.

‘E ffiglie ‘e sta signora

tenene cierti mode

ca pure si ‘o cielo avota

e se fa niro

te bbasta nu suspiro

e ogne smania passa

e ‘o contrabbasso

torna a sunà nu llà

ca me fa cunzulà

mettenno sotte ‘e ddete

‘a nota ch’evo perzo

justa pe fernì ‘o piezzo.

Gioacchino Ruocco

Ostia Lido        10/12/2014

Inserita nella raccolta “Ce steva na vota”