Quanno tu cagne via

Quanno tu cagne via

I’ me rispero

E fino a sera,

fino a ca juorno

nun se fatto ancora

nun campo bbuono

e cerco nu mutivo,

na ragiona

pecchè sta via

è ‘a sola

ca te cunviene ‘e fà

pe jì a scola

e pe turnà a casa.

‘A ccà tu passe e trase

‘a cca tu aiesce e passe.

Ma si nun passe tu

Pe mme è nu juorno

Ca nun passa cchiù.

Quanno te chiammo

È’ pe sta tranquillo,

ca ll’acqua

dint’’o vaso ce l’è miso

ca ‘o garofano

è ancora russo,

ch’’e rrose rampicante

stanne appese

ancora n’atu juorno,

n’atu mese.

Pe me ca nun me move

Maie ‘a cca

tu si na scusa pe campà

si no che ce facesse

ncopp’a sta segge ?

‘e notte

E vierno.

‘E vvote joche

e si piglio ‘o terno

A qualcheduno

Pure  aggio lassà.

Meglio a chi saccio

Ch’è nu mutivo

Ca me fa campà.

Gioacchino Ruocco

Ostia Lido           08/12/2014

Inserita nella raccolta "Ce teva na vota"