Ogge è trasuta primmavera

Ogge è trasuta n'ata primmavera,

me dice però io che ce faccio

ca tengo ‘o core fatto ‘e tanta stracce,

petacce, suonne ca se so’ perze ‘a tiempo ?

Sule sti mmane toie ‘ncopp’’a sta faccia

m’arricordano nu fricceco, nu friemmeto.

Ih che ricorde doce m’è purtate

‘nziem’’o ccafè p’accummicià’a jurnata!

Te guardo speruto  e vularrie nu vaso,

ma tu, tu m’accarizzo e po’ me lasso

cu ‘o spasso ‘e scrivere sti vierze

comme a nu maravizzo muorto ‘e friddo

perduto appriesso a tanta sentimente,

a tanta cose ca vulesse fà o faccio

o ca me perdo ‘nmiz’’a  qualche vvia

cercanne e te venì appriesso ancora.

Gioacchino Ruocco

Ostia Lido            21/03/2015

Inserita nella raccolta “Frunnelle pazzarelle”