E fosse 'a vota bbona,
comme è ditto,
ca sti guagliune pigliassero 'na via,
chella deritta, ca porta a tutte parte,
ca chella storta
porta a 'o vico 'e coppa
ca nun sponta.
E' tiempo perzo
comme a na buscia
ca mette 'ncuollo freve e malatie
e uocchie 'nterra
ca pigliano na 'nziria
ca nun te conta maje cose bbone.
'O premio
ca ognuno aspetto
é sentirse parte d''a nazione.
Nu figlio cu nu pate,
mamme e ssore
amice quante vuò,
core sincere.
Pe regnere na panza
ce vo' poco.
Abbasta na carezza
e
'a panza e 'o core chine 'e cuntentezza
primme ca se fa notte
pe ccà ffore.
Gioacchino Ruocco
Ostia Lido
28/04/2015 19,29..
Inserita nella raccolta “Ce steva na vota…
Vedi: "Gente di Stabia"
(28/04/2015)
(28/04/2015)
Nessun commento:
Posta un commento