Che sufferenzia è ‘a vita...

Che sufferenzia è ‘a vita, ma che gioia si tu ca sule si me guarde me miette ‘ncuollo ‘a freva ‘e giuventù. Si ll’onne d’’o mare ca stracque  e ‘nn’arreposa, na rosa ‘e primavera, n’auciello ‘e marzo freddigliuso e pazzo, na parola sincera ca nun tene ombre e n’ombra ca dà vita nu suspire ca me regne ‘o core. Comme a na fronne sussurre nu silenzio ca nun dorme, nu spaseme d’’o core. Si nun ce fusse tu io che sarria ? Sultanta ‘a nostalgia ‘e te truvà, na canzone ca pizzica sti corde cu ‘e lacreme già pronte ‘p’’e cantà. Che sufferenzia è ‘a vita, ma che gioia si tu quanno m’astrigne na mano mettenneme ‘ncuollo na freva ‘e giuventù.                      Ostia Lido,  25/11/2009 La poesia è inserita nella raccolta ‘E primma matina Pubblicata inserita in quella più ampia dal titolo “Turnanno arreto “, edita a Roma nel 2010