Sta meza cartolina che m’è
scritto
m’ha scumbinata ‘a vita.
Ma chi t’ha fatto fa?
Si chisto è nu dispietto, t’è
riuscito !
Int’’a stu core tengo nu casino,
na confusione can nun me da
pace
e nun me dà ‘o coraggio
‘e te penzà
Te veco cu ‘e llacreme ‘int’’a
ll’uocchie
dint’a na villa chiena ‘e ombre
nere
a cammenà comme a duie pazze
ma nun fuie capace ‘e te
rassicurà
ca io partenne nun te lasciavo,
nun me ne jevo pe t’abbandunà.
Dimane piglio ‘ o treno e sto
addà te.
Ma po’ passanno ’o tiempo
qualcosa succedette
Nun m ricordo chi ‘e nuie
Facette ‘a primma mossa
si fuie io can un te rispunnette
O tu ca nun scriviste cchiù.
Cercaie na ragione e nn’’a
truvaie.
Forse sbajaie tanno e puro mò.
Nu iuorno ca qualcuno me dicette:
Nannina s’è spusata
facette
‘a parte ‘e chi nun vò capì.
Quant’ire bella
quanta suspire tu m’è fatto fa !
‘o tiempo che perdevo
regneve ‘e suonne ‘e na felicità
ca io nun capevo
pecchè nun me facive ragiunà.
Vulesse riturnà, ma nun ‘o
faccio.
Cu quale faccia ci avessemo
guardà ?
Si pigli’ ‘o treno nun è chiù ‘o
stesso
ca me fa turnà
M’hè miso ‘ncuollo na malinconia
Ca me dà freve e nun me fa campà.
Chi me sta attuorno me guarda
ma nun sape ‘o male ca m’è fatto,
pecchè io sto suffrenno.
E’ meglio ca m’arrenno
o tiro ‘nnanze ?
Castiellammare ‘o guardo dint’’o
sito,
ma scanzo ‘a villa e me ne vaco
p’’e vie ca nun saie.
Ma a chi ‘a racconta chesta
jacuvella ?
Me sento dint’’e mane nu prurito
ma penzo ca sta vita è ancora
bella.
Chello ch’è stato è stato,
c’aggia fa !
Ma st’Internet mò c’appicci’ a fa
?
Castiellammare è tutto nu sorriso
a parte ‘a ‘nfamità ‘e
qualcheduna
ca sape ‘e me fa male e me vò
muorto
pe chill’ammore che l’è juto
stuorto.
Ostia Lido 14.08.2009
Pubblicata in quella più ampia
dal titolo “Turnanno arreto “,
edita a Roma nel 2010
Nessun commento:
Posta un commento