Addò te si annascosta ?

Addò te si annascosta ?

Me pare c’’o faje apposta

a nun te fa truvà,

comme a quanno vulive pazzià

turnanno criatura.

Arillo arillo !

Currivo e cu ‘e capille sciuovete

dint’a ll’aria d’’a sera

pe copp’’e grare,

pe dint’’e macchie ‘e verde

addò ‘o suspire se perde

e se fa friddo,

addò ll’ombre se fanno

sempe cchiù rare.

‘A voce me diceva:

- Vieneme a piglià,

Te sto aspettanno

dint’’o purtone ‘e coppo

o arete ‘e frasche ‘e masto ‘Ndulino.

E quanno te truvavo vocca a vvocca

ce stevemo a vasà.

Erano vase ancora ‘e guagliuncielle!

E arillo arillo

me l’arricorde ancora

sapuritielle.

Tenive ll’anne mie,

sei o sett’anne.

Chi sa si t’arricuorde

o t’hé scurdato, ca nun ne parle maie

quanno parlamme.

e arillo arillo, n’aggio fatto strada.

‘E vote assieme, ‘e vvote rassegnato

comme si fosse sulo e scunzulato.

LL’ammore chest’è si ‘n è triato.

Gioacchino Ruocco

Ostia Lido    31/05/2014

Inserita nella raccolta “Nu juorno comme a n’ato”