Sole so’....

Vaco facenne

sole so’ ca sponta e more

ogne ore ca te cerco

e passo a ccà,

ma tu nun me rispunne

e chistu core

sta addeventanno scemo

e se ne more.

Ce stanno ‘e panne stise

a sta fenesta,

e ‘o sole ‘ncielo

l’asciuttate già.

C’aspiette

c’’o cielo cagna e chiove

pe ne leva ?

I’ te vurria vasà

ogne mumento

pe cchesto appeno pozzo

torno e canto

comme a n’auciello

sott’a sta fenesta.

Ma si t’affacce

cu n’aria già scucciata

e nun ‘a vuò senti sta serenata,

i’ cagno vico

e ‘a vaco a fà a n’ata

ca tinco tinco

me sta giranno attuorno

e haie voglia ‘e maspettà

quanno so ‘e cinche

ca forse tanno

è ‘o core tuoio ca more.

Gioacchino Ruocco

Ostia lido      16/05/2014

Inserita nella raccolta” Nu juorno comme a n’ato”