Tu nun m’è vulè bbene quanno more

Tu nun m’è vulè bbene quanno more. M’è vulé bbene mò ca songo vivo. E’inutile ca dice me si sora Si quanno parlo nun me vuò sentì. Tu saie ‘e fatte mie ‘a che so’ n’ato E nun te pozzo dicere bucie ca si’ ‘o facesse me sentesse male sule a gaurdarte, sule a ce penzà. E comme ha scritto nu poeta antico ‘nzerra sta porta e miette ‘o catenaccio E a chi ddumanne, ‘e me di: - Nun ‘o ssaccio Addò sta frateme   e che starrà facenno. I’ sto fuienno c’aggio bisogno ‘e pace, pe nun sentì na femmena busciarda si stongo male pure quann’’a guardo ca tene ll’uocchie nire comme ‘a pece. Vulesse na carezza ‘e mamma mia, ma se n’è juta e m’ha lasciata sule e stongo comme a tante, ‘nmiez’a na via, jenno fuienno pe nun ‘a vedè cchiù. Che faccio parte? M’’a casa mia sta ccà! Che me ne vaco a fa a n’ata parte. Si aggio perzo, m’aggia ‘mbarà a campà E’ inutile ca me mette in disparte. E si pe caso ‘a ‘ncontre uno ‘e sti juorno. Che pozzo fa? ‘A guardo, m’’a smiccea Comme se fa cu ‘e femmene cchiù belle E po’ me guardo attuorno indifferente. Ormaie nun  tengo cchiù niente ‘a perdere. L’aggio perduta. Cu ll’età ca tengo… Ma che ne saccio ‘e comme vene ‘o munno Forse è meglio ca ma’arretire a casa. O forse è meglio nu bicchiere ‘e vino Dint’a na cantina fore mano. Ma ‘ncopp’a na panchina ‘o lungomare Me torne ‘ncape nun pensiero antico Comme a quanno ‘mbarcaie e jette fore E ‘nmiez’o mzare l’amaro s’adducette E io me facette ‘e spese e riturnaie chiù pazzo ‘e primmo c apartette.. E a poco a poco sta cagnano ll’aria E io me facce ‘e cunto e me ne torne. Mo sto cchiù calmo forse me so sunnata Na male jurnata ch’è passata Comme a na nuvola d’acqua ‘ncopp’o mare c’ormaie s’arreposa ‘nterr’’a rena.

edito a Roma nel 2010 La poesia è inserita nella raccolta ‘E primma matina

Pubblicata inserita in quella più ampia

dal titolo “Turnanno arreto “,

edita a Roma nel 2010