All’urdema mez’ora che vuò fa ?

Si nun te scrivo chiù

nun jà penzà ca tu

nun si stata maie niente pe me.

‘E tiempo n’è  passato,

ma nun t’aggio scurdato

e ancora parlo ‘e te.

Io chistu core  ’o tengo

astritto ‘int’a na mano

ca si ‘o lasciasse libero

turnasse già dimane.

Si state ‘o primmo amore

pe chesto nun te scordo.

Nun saccio comme va

ma te vulesse ccà

ancora ‘int’a sti braccia.

E’ tantu tiempo

ca nun ‘o faccio cchiù.

Carmè, Carmè che faie ?

Comm’é ca tu me cirche

e ancora vuo’ ca torne?

Quann’eremo guagliune

ire na pazzerella

ma mò che vuò,

che vaie cercanno ‘a me ?

Te dico onestamente

ca quanno stuto ‘o lume

me pare ‘e te sentì

quase vicino,

comm’’ a na palummella

ch’’e sera va giranno.

Me staie attuorno a n’anno

pecchè ‘int’’a ll’aria sente

chillu profumo tuio.

Pecchè me vaie cercanno ?

Ormaie cu ll’anno ca tenimmo

putimmo solamente suspirà !

‘O saie c’arreto nun se po’ turnà.

E allora ?

All’urdema mez’ora che vuò fa ?

Ostia Lido,            07.09.2009