Guardanno 'o Vesuvio

Vista dalla casa di Antonio (autore della foto) - Rione San Marco - Castellammare di Stabia.

Tutte ‘e matine appena io m’affaccio

tengo ‘o Vesuvio ‘nfronte a stu balcone

Cagna culore comme cagna ‘o tiempo

e ogne vota me nfaccio e piglio appunte.

‘E vvote pare ca se perde

dint’’o cielo cchiù azzurro ‘e stu paese

e, raramente, comme a stammatina,

me mette ‘o friddo ncuollo

cu ‘a neve ‘ncopp’’e spalle ch'isso tene.

Sta stiso’nterra comm’uno ca reposa

e trica e tene tiempo pe scialà

‘e ogne staggione ca le passa ‘ncuollo

e pare ca nun tene età.

Sulo ‘o penziero

ca ncuorpo tene ‘o fuoco

e n’ata vote me farrà abballà

‘o guardo e penzo ca n’atu mese

è passato senza surprese

senza me fa mpazzì.

Guardannelo ce piglia cunfirenzia,

scurdanneme d’’e guaie c’ha criato.

Figliemo ca pitta e ne fa quadre

m’’e mette appise ‘o muro appriparate

speranno ca me passe ogne paura.

È sempe bello, ma me fa ‘ncuità.

Gioacchino Ruocco

Ostia lido   06/02/2014