I’ comme so’ crisciute sti guagliune,

I’ comme so’ crisciute sti guagliune,

guarde che uocchie attiente,

fra poco mettarrano pure ‘e diente

e allora sa’ ‘e guaglione ca se fanno.

‘A che so nnate nun fanno sta tranquille.

‘O juorno è notte e ‘a notte… ‘e peccerille

non ne vonno sapè ‘e st’addermute

n’ata nuttata….me levano ‘a salute.

Ma quanno ‘e guardo me sento n’atu tanto,

me scordo ‘o suonno e nun me sento stanco

maie a sta cu lloro a fa mille muine.

e capuzzea solamente quanno

me mette ‘int’a nu lato a suspirà.

Chi sà si avasta ‘o tiempo ca me resta

pe fa festa cu lloro ogni juorno

quanno d’’a fatica torno a casa ?

Quanno tengo n’angustia

e m’’a voglio fà passà,

quanno so’ felice

e non ‘o saccio a chi ‘o vulesse dà.

Sti figlie ca pe nu poco ‘e tiempo so’ de mie

hanno fa chello ca va truvanno Ddio,

chello ca dint’’o core Isso l’è miso

pe tenè na sola faccia e una cammisa,

pe spartere ‘o bbene ca le manno

cu chi  n’ave bisogno e chi ‘o dumanno

speranno ca chello ca le resta

l’avanza pure pe nu juorno ‘e festa.

Gioacchino Ruocco

Ostia Lido, 10/12/2009

La poesia è inserita nella raccolta ‘E primma matina

Pubblicta inserita in quella più ampia

dal titolo “Turnanno arreto “,

edita a Roma nel 2010