'E primma matina

'                         Stammatina ‘o mare è comme a chillo ‘e na cartolina e ll’aria chiena ‘e sole ca nun ce stanno parole p’’o t’’o raccuntà. Scetate e ajesce ma si te rincresce ‘e lascià ‘o lietto so’ pronte mille dispiette da parte mia ca te stongo aspettanno nmiez’’a sta via già ‘a n’anno. Curre c’’o sanghe se scete e dint’’e vene siente ‘a freve ‘e campà. Nuie simmo ancora guagliune pure si ‘qualcheduno dice ‘o contrario. Ma che te ne ‘mporta !

Arape sta porta e viene cu me primmo c’’o tiempo cagna e addeventa na lagna ca male ce po’ fà. Si viene t’aspetto sto sott’’o purtone si no fra poco mi siente ‘e bussà.                              Ostia Lido - 30 aprile 2009 - Ore 08,30 La poesia fa parte della raccolta ‘E primma matina" inserita in quella più ampia col titolo “Turnanno arreto “ edita a Roma nel 2010  presso il Gruppo editoriale L'Espresso