L’amice…

Me so’ salvato appena n’atu juorno

senza me piglià scuorno,

senza dirte ‘a buscia

ca tu vuò sentere quanno rituorno.

Pecchè t’’e dico ?

Pecchè te voglio bbene,

comme a n’amico

ca me dà fiducia,

si no chisti penziere,

quanno ‘e castigo troppo,

‘e trovo uno a sotto e n’ato a coppo,

tutte ‘mbrugliate,

mentre’io voglio essere

sempe cu te apparo

e no comme a cumpare

ca se ‘ntenneno.

Si ogge me ne vaco abbascio ‘o mare,

‘nziem’ a chi saie,

è pe ragiunà ‘e chello ca si’t’’o conto

me dice sempe si senza me ‘ntennere.

Parlammo ‘e mare, ‘e tiempo, ‘e maletiempo

‘e fatte ca cuntammo ciento vote.

Stevemo a scola assieme, cchiù pe spasso

comme a quanno sunavo ‘o contrabbasso

ca quanno ‘o sono mò a tiempo perzo

me dice ca nun te fa piacere.

Cu te me songo canisciuto ogge

cu lloro invece me canuscette aiere.

Ostia Lido                   09/12/2012

Gioacchino Ruocco

La poesia è inserita nella raccolta ‘E primma matina

Pubblicta in quella più ampia

dal titolo “Turnanno arreto “,

edita a Roma nel 2010