Io so’ Cuncetta.

Chi fa ‘e zeppule

e va cercanno ammore

chi sa quanta cartoccie

manna pe tutte ‘e case.

Specie addo essa trase

e mette ll’uocchie

si trove ‘o figlio ‘e mamma

ca le piace.

E allora’mpasta e ‘mpasta

e appena è pronta frjie.

e ‘a crema pasticciera

nun avasta.

Quanto so’ bbone

‘e zeppule ‘e Cuncetta,

ma chi s’aspetta

nun l’alleva maie.

Na preta ncoppo c’è miso

e nun ne vo’ sapè.

Cu ‘a ggente scostumata

nun ce vo’ ave a che fà.

Peppino ‘e vascio ‘o puorto

nu juorno ‘e primavera

facette ‘a mano morta

e nun le va cchiù a genio.

Le manna ‘o pesce frisco

ma essa nun l’accetta.

Nun songo mode chiste.

Firmato: io so’ Cuncetta.

Gioacchino Ruocco

Ostia Lido          16/02/2014

Inserita nella raccolta “ Tipi”