Ogni vote ca penzo a stu paese

Ogni vote ca penzo a stu paese s’’o primmo a ce fa’’e spese. E quanno ce ritorno, me vene a chiagnere senza pigliarme scuorno penzanno ca nun pozzo fa cchiù niente p’’o cagnà. Nu juorno me ne jette, comme a tante, no pe cercà fortuna, ma pe campà senza st’appriesso all’ate, a chille ca se credeno cchiù furbè, c’hanno pigliato ‘o terno affuggiata, ca primme ‘e nascere se songo già vennuto ‘o pate, ‘a mamma, ‘e frate. Pur’io me facette ‘o lungomare migliare ‘e vote mò appriesso a na guagliona, mò appriesso a nu pensiero e penzanno, comme si fosse aiere, me sentette comme a nu furastiero senza a nu paese addò turnà. Pateme ne suffrette cchiù ‘e me vedennemo partì all’impruvviso e ce lasciaime cu nu sorriso ca sapeva ‘e chianto. Turnavo, ma nun era comme a primma, Scrivevo, ma nisciuno me pensavo. Chi rispunneva diceva na buscia ‘A vita mia era sultant’a mia. Vulesse fa capì a chi è rimasto Ca io nun sto suffrenno ‘e nostalgia, me mancano ll’amice punto e basta, ll’aria d’’o mare, ll’aria ‘e stu paese c’’a dintt’’o core nun se ne vò j. Tenitevello astrinto: è nu tesoro E nun ce ne sta n’ato tale e quale. Chi ‘o ddice, dice na fesseria, mannaggio a isso e quanno aggio ‘ncuntrato Ma io nun ‘o facette pe dispietto, partette penzanno ‘e ce turnà ma si faie  passà ‘o tiempo assaie te vene sulo ‘a voglia ‘e nun turnà. Gioacchino Ruocco Ostia Lido, 7 settembre 2009 Inserita nella raccolta "Primma ca se fa juorno" pubblicata nel libro Turnanno arreto a Roma nel 2010