Suvereto

Suvereto

In un respiro che da sempre ha vita

va la mia speranza per un sogno avito

in cerca di sostanze e di memorie,

di glorie sustanziate dal pane quotidiano

e dal pensiero di un vivere quieto

come in un eremo liberale e aperto

alla parola degli altri,

ad ogni tentazione

nel volere del Dio che ogni ragione comprende

ed estende il suo volere in ogni fine.

Dammi la pace che mi manca ancora,

un'ora almeno come un'illusione

di vivere il perdono dei miei mali

che ho ereditato dal tramandarsi eterno.

Chiedo il perdono che mai ti chiesero

altre sembianze, altri vagabondi

che in te si abbandonarono al mio stesso sogno.

Agogno e vivo

nel meritar me stesso

alle tue frescure, alle tue vedute

che mi fanno scendere

fino alla follia dell'esistenza

da dove tosto io fuggo

per rimirar la tua benevola  eccellenza.

Gioacchino Ruocco

Ostia Lido  -  26/10/2015

Quanti padri d’Italia sono eroi ?

Sarebbe stato più nobile

accedere al vero significato della parola

e non a quello degli alti ideali

che al comune mortale non appartengono

se non per dare sfogo, inascoltati, alla violenza.

Doppiogiochisti delle parole

misconoscono metodi di vita

che non la sono ?

Dentro e fuori le aule di giustizia

i significati non vanno alterati.

Gli eroi son quelli

che non si mimetizzano

con quelli che lo sono davvero,

che non dicono bugie,

che non si nascondono

dietro agli ideali

scambiando ruoli

per diventare santi.

Quanti padri d’Italia sono eroi ?

Gioacchino Ruocco

Ostia Lido 2015/10/22

Inserita nella raccolta “Piemonte”

Primma c’’o sole…

Primma c’’o sole se ne scenne a mmare

e pare na lampara pe na varca

cunteme nu cunto che m’addorme

doce, duciazzo ma cu tenerezza

ca quanno po’ vaco a tirà ‘a rezza

ce trova dinto nu tesoro grande

ca un aggio visto maje in vita mia,

stanno ‘ncampagna o a pazzià p’’a via

cu ll’ati muccusielle comme a me.

Parlemo ‘e nu rre ca vence sempe

e leva ‘a miezo tutt’’e malamente

comme a Rinaldo ‘o paladino ‘e Francia.

E già ca io susenneme matino

me more ‘e famma fino a miezo juorno

quanno nu cuzzetiello cu ‘e fasule

cannelline mammeme me mette

mmane chino chino damme nu poco

‘e gioia e duje o tre mandarine.

‘O stommeco pe quanto è piccirillo

nun s’accuntenta sulo ‘e nu carrillo

cu na manandele pe pazzià ‘e nucelle.

Vedennete passà accussì bella

vulesse vencere sule p’’e ddà a te

comme me dice ‘o core e ‘a cerevella.

Ma passarrà ancora tantu tiempo

pe mettere na barca mmiez’’o mare

e vuttà all’aria tutto stu pagliaro

addò sto pazzianno ‘a che so’ nato

addò m’addormo ‘e vvote mmiez’’e serpe

ca strisceno senza farme male.

Che cunto sarrà ‘o mio e chi ‘o ssape

si ‘a porta nun s’arape dint’’o cielo

addò n’angelo comme a te cu ll’uocchie

nire me sta aspettanno comme fosse rre.

Quanta suspire ca me faccio ‘e vvote

quanta penziere scarte e metto a pparte.

e dint’’e surche rane a centenare

me contano ca una ch’è ‘a cchiù bella

sarrà ‘a principessa ‘e sta campagna.

c’’o princepe sarrà nu guagliuciello

cu ll’anema nnucente comme a mia.

Ma po cagna ‘a jurnata, ‘o male tiempo

ce fa nu brutto juoco e chi ha jucato

nun piglia manco n’ambo ‘e ‘afficiata.

Ll’aria ca se fa nera è rinfrescata.

Me vene ‘o triemmo ncuollo e sento friddo.

Quanno me sceto tengo a freva a mille.

Mamma me passa ‘a mano ‘int’’e capille,

m’asciutt’a fronte ma nun me sta a sentì.

Chello ca dico m’’o credo sultant’io.

A chi ‘a conto conto me guardene

straniate. ‘A freve m’è passata

e attuorno a me nun ce sta cchiù nisciuno,

ma chi me fa carizze pare na fata.

Gioacchino Ruocco

Ostia Lido                 2015/10/12

Inserita nella raccolta ”Ogni juorno è nu mese…”

Che fesso ca so’ stato

Che fesso ca so’ stato!

Pe troppo sentimento

‘a sufferezia mia

è ‘o monumento ‘e chiacchiere

che vaje facenno ‘ngiro.

Cu st’uocchie belle nire

ne cunte e che ne cunte

ca si fossero overo

sarria nu mistero

sulo a de cuntà.

Sarria ll’uorco niro

d’’o Cunto de li cunte,

ma cchiù tiempo passa

e cchiù me sento spunto.

Pe te è naturale ,

ma io che sento amaro

mpont’’a lenga

quanno me stengo a sera

e nun te penzo cchìù

me pare ‘e piglià sciato.

Che bello cato ‘e colla

che m’ero sciveto,

ca si me faje nu lasceto

nun saccio che decidere.

Gioacchino Ruocco

Ostia Lido                 2015/10/10

Inserita nella raccolta ”Ogni juorno è nu mese…”

Quanno torna ll’estate

Quanno torna ll’estate

chello ch’è stato è stato,

io faccio comme a quanno

nun te canuscevo.

Si tu rituorno

aggio cagnato vico

e nun t’’o ddico

pe nun me fa truvà.

Me songo miso commeto

doppo ca si partuta,

casa e puteca, oj ni.

Nun tengo niente a perdere

cu ttipe comme a te.

Tengo na voglia e ardere

e nu penziero ‘a credere.

Aggio girato pagina

pe nun penzà cchiù a te.

Gioacchino Ruocco

Ostia Lido                2015/10/09

Inserita nella raccolta ”Ogni juorno è nu mese…”

Io m’aggia decidere

Io m’aggia decidere

che voglio fa ‘e sta vita!

Nu muorzo sapurito

o comme vene vene

c’’o sanghe dint’’e vene

ca me trovo

ca vò accuntentà a tutte quante,

ca nun vò tuorto

e nun ne fa a nisciuno

ca ll’unico piatto ‘e maccarune

‘o sparte cu mill’ate ?

‘E frate me so’ frate

e m’aspettasse ‘a lloro

n’ombre ‘e bbene,

ma dint’’e vvene

manco na parola

‘e chistu sentimento tenarranno

c’’o bbene chiamma

e cerca

ogne mumento all’ate,

ca quanno ‘e sente

a pasca e a Capuranno

me scenna ‘o core

dint’’e cazettielle.

Ma che farranno

Mentre ’o tiempo passa pure pe lloro ?

Contano cchiù oro o sentimente

perdennese mmiez’a ll’ata ggente

p’arrangià ‘a jurnata ?

Priammo a Ddio

ca si c’è fatte, isso ce adda penzà

a regnere ‘a panza ‘e tutte quante.

Pigliasse ‘e sante

e le mettesse a fà miracule

p’apparà ‘e cunte

a fine d’’a semmana.

Gioacchino Ruocco

Ostia Lido                 2015/10/08

Inserita nella raccolta ”Ogni juorno è nu mese…”

Tu sei

Tu sei la mia casa,

i miei stessi

ricordi.

Se dovessi scordarti

sarebbe un morire di schianto

in un raggio di sole che acceca

e mi toglie la vita.

Resterei senza te

mendicante di un sogno.

Perderei ogni cosa

d’incanto.

Non avrei più parole

per dire

e più forze

per alzarmi ed andare

a finire

il dettato di oggi.

L’infinito che attende

sarebbe il presente

che mi vedrebbe perduto

per sempre.

Gioacchino Ruocco

Ostia Lido                 2015/10/08

Justo pe fa festa

                                          Sciaquale cu ll’acqua d’’a funtana.
                             Taglia nu spiculillo d’aglio,
                             miettece justo nu paco ‘e sale,

                             na bella fatta ‘e uoglie,

                             e po’ vasenicola quanto vuò

                             ca fa cchiù ddoce ‘a carne ‘e pummarola.

                             
                             'A preferenza jeve ‘e buttiglielle,

                             po’ ‘e sammarzano ca so’ belle toste,

                             ma mò ca nun so’ cchiù ‘e nnoste

                             scigli ‘e cchiù rosse,

                             chelle cchiù mature.

                              A ppane e pummarole so’ crisciuto

                              ‘e piennelo o fresche ‘e miez’a terra.

                              Cunciate primma o mise dint’’o ppane

                              spaccate cu ‘e mmane o nu curtiello.

                              Comm’era ‘a famma,

                              comm’era ‘o cufaniello

                              ca vacante

                              nun ce ‘a faceva a stà mezajurnata.

                              Ce steva chi spereva pure ‘e chesto

                              e so’ magnava

                              justo pe fa festa.

     
       Gioacchino Ruocco

       Ostia Lido                 2015/10/08

       Inserita nella raccolta ”Ogni juorno è nu mese…”

Agricola -Pastor

 Agricola  / Pastor

‘A pecura ch’è perzo

valle trove

primma c’’o sole se ne scenne.

‘O cielo appenna

muntagne ‘e nuvele

e priesto se fa notte.

Fa ca Fauno t'allogge

dint''e pensiere

'e primma 'e stasera 'a truove

fresca e bella

pe sta campagna

ca pasce ggente e  pecurelle

o ‘int’’ a muntagna

ch’è comme a na furesta

cu 'e ceveze, ‘e rapeste,

anepeta,  castagne e pastenaca,

l’evera cetrina c’’a pecura se magna

’a malva, ‘a menta,

aspraggine,  cicoria e purchiacchielle,

carota ianca e mille lampasciune

funge, vruoccule e cardune.

Chello ca tu nun pienze

chello truove.

Si s'è perza ‘int’a muntagna

p’’a famma nun se lagna,

forse p’’o lupo

cu nun ne vo’ castagne

Fauno ca sta currenne nnanze

truvarrà mparanze a pecura e po’ ‘a pace

sott’a luna ca sponta

e va facenne chiara

ogne passe p’’a truvà.

Turnarraie abbascio

cu nu lamiento ‘e be

e n’ato ‘e gioia

si Fauno ‘a grazie te farrà

pe tutt’’e sacrifici che l’è fatto .

A ogne passa

s’’a trova cchiù vicina

ca quase quase

già ne sente addore.

E ‘o core scoppia ‘e gioia

quanno  s’’a vede nnanze.

Gioacchino Ruocco

Ostia Lido                 2015/10/07

Comme a nu furastiero.

Piazza del mercato (Orologio)

Me so’ spugliato  ‘a cchiù ‘e nu penziero.

Aiere è stato ll’urdemo cu tte.

Ormaie me songo fatto furastiero,

campà luntano pe nun te sentì cchiù.

‘A vita nun è sempe  sufferenza

comme è stata cu tte tutto stu tiempo.

Tu già m’è rimpiazzato. Manco nu juorno

si stata capace ‘e restà senza ‘e me.

Si ammore saie ch’è comme a nun cunzuolo

pecchè m’é scritta sta lettera arraggiata?

I’ l’aggia letta cchiù p’educazione

E pe sapè che pienze overo ‘e me.

Appeno pozzo ce scrivo na canzone

ca quanno ‘a cante ‘o core se cunzola.

Pecchè non voglio scriverte ‘e pparole

ca mmeretasse pe risposta ‘a me.

Si era ammore pecchè m’’o ddice ogge.

Aiere forse sotto a stu rilorgio

ca nun cuntava ll’ore ma ‘e suspire

nun me sarrie fatto nire nire.

Si era ammore, ogge ‘un c’è ragione

pe riturnà assieme. I sto luntano

nun sulo c’’o penziero. ‘O treno c orre

ca si te ‘ncontro, nun te canosco cchiù.

Gioacchino Ruocco

Ostia Lido                  2015/10/07

'A pizza

Si io me mmito chi sa che me rispunne !

Va bbuono pure pummarole e tunno.

Vasenicola tre o quatte foglie.

Justo pe fa na cosa un po' più chik.

Nu piezzo e pane frisco

e mò ch'è 'o tiempo

ddoje, tre pesche gialle dint''o vino.

Pe dolce te porto e sfuglaitelle

 'e Surrentino, si è ancora apierto,

si no da Catellino

sfurnate mentre trase.

'A pizza ca mò tengo ''nante a ll'uocchie

me fa tremmà 'e denoccie.

se sta scioglienne mmocca.

Si scrivo n'atu ppoco me 'mpapocchio

Saie che te dico; Buon appetito

e Ddio te benedica

pe tutto chello ca si capace 'e fà.

Gioacchino Ruocco

Ostia Lido      2015/10/06

Inseita nella raccolta "Ce steva na vota..."

L’ultima stesura dell’universo…

Anche se controversa

l’ultima stesura dell’universo

include anche la mia immagine

che solo apparentemente

rassomiglia a dio.

Un metro e sessanta,

idee balorde,

pronto sempre a trovare

il pelo nelle uova,

ma pronto a dare a tutti

con gioia la mia gioia di vivere,

di approfittare dell’occasione

di questa esistenza.

Ci fece a sua immagine

ma somiglianti proprio non credo

visti i colori, le forme

le dimensioni, gli arredi;

le idee, i modi di gestire,

di mangiare, di capire.

Continuo a chiedermi perché

e Lui chi è che non si vede mai.

Profeti tanti

e tante le sventure ogni giorno.

Sto girando il mondo da che son nato

e appena appena

mi riconosco nel creato.

Papa Francesco è l’unico cristiano.

Il resto svogliati esseri d’amore

col cuore vuoto

pronti a non dare niente.

Mi riconosco forse negli uccelli

che hanno tanta voglia di cantare,

ma dell’impervia natura

non so che fare

se non quando il cielo è sereno

quando tutto si muove

senza finire sotto un treno

con le sbarre alzate.

Gioacchino Ruocco

Ostia Lido 2015/10/06

Inserita nella raccolta ”La ragione e l’estasi”

Tu passe e spasse

Tu passe e spasse

sotto a sta fenesta

e vaie cantanno

‘o tiempo ca te resta,

ma a te che t’è rimasto

‘e tutto ‘o bbene

ca nun m’è vuluto ?

M’assetto a tavula

e manco na perzona,

me guardo attuorno

e nun te trovo cchiù.

Si chesta è vita

che sarrà c’’o tiempo

ehe me vede sulo sulagno

e cu nu male tiempo

ca stongo sempe

‘a tirà dinto a rrobba?

Quann’uno s’è pigliato

‘o core tuoio

è meglio lascià perdere

e cagnà via.

LL’ora d’avemmaria

I’ chiuro ll’uocchie

e m’addenocchie nterra

preganno ca sta  guerra

Cagne via

o me scurdasse ‘e te

anema mia.

Ma comme faccio

si è mezze songo chiste ?

Piglià na latta ‘e scisto

e appiccià ‘o munno?

Ma che ce ponno ll’ate

ca so’ cchiù scieme ‘e me

ca m’è lasciato ?

Gioacchino Ruocco

Ostia Lido                 2015/10/05

Comme a nu cane arrasso

Comme a nu cane arrasso

Abbaie, abbaie

comme a cane arrasso.

Nun muorzeche a nisciuno.

Abbaia pure ‘a luna

e nun me faie durmì.

Si almeno passasse qualcheduno,

ma ‘a ccà nun passa cchiù nisciuno,

a strada è chiusa.

Nu passo liegge

o n’mbra ‘nfacci’ ‘o muro

ca nun vò fa sapè ‘e fatte suie

dint’a nuttata scura

comme se po’ senti,

comme se pò vedé?

Che cane si

si faie sti sceneggiate?

E quanno  arrivarranno ‘e botte

comme faie ?

Alluccarraie a ogne sparo

ca ogne sparo

pare sparato apposta ?

Nun è c’allucche ‘o viento ?

Ogne rammo schiantato è nu turmiento.

Ma fa a vedè ch’’e vvote nun ‘o siente!

Gioacchino Ruocco

Ostia Lido                 2015/10/05

(Restituiteci il futuro) Nu juorno ‘e chisto

Quanno nun tenimmo niente ‘a fa

scennimmancenne  ‘mpiazza, jammo a strillà.

Nu juorno ‘e chisto qualcuno pure sente

ca ce truvammo ormaie malamente

c’’o sinneco ca dice mene vaco

e po’ ritornà e nun se vò schiuvà.

Almeno facesse qualche cosa!

‘E bbuone fino a mò ‘nn ‘ha fatto niente.

Scasseno ‘a villa e chi sa quanno ‘a fanno

chiureno ‘e cantiere  e d’’e bastemiente

nun se ne parle cchiù, c’o viento ca mò tira

‘E terme? Ormaie  ll’acqua scorre comme a niente.

Chi sono ‘a musica s’’a scrive e ‘a canto

e ‘o santo ca tenimmo è vicchiariello.

Sulo ddoje vvote all’anno esce d’’a chiesa

pe na presa ‘e cuscienza, ll’aria nfaccia

e songo muorze amaro pure pe isso

ma ‘o pataterno nun ‘o sta a sentì.

Nu juorno ‘e chisto ‘o mannarrà all’inferno

si cuntinua a cuntarLe ‘e guaie nuoste.

‘O pataterno cu na faccia tosta:

-Pensace tu, Catiè. Ce staie apposta!

Datte da fà ca stongo già occupato:

io tengo mille guaie tutt’’e juorne.

Ogne tanto ‘o prego, pure si spreco

‘o sciato, ma so sicuro ca ‘ncuorpo

ce te mille serpe arravugliate.

Nu juorno ‘e chisto si acchiappo a Cuomo

le dongo na mazzata e ‘o leva ‘a nanze.

Quanno vutate mettite ‘a capa apposta.

Pruposte serie nun ce ne stanno attuorno.

‘A ggente vene, piglia e se ne và.

Tanta guagliune ormaie se ne so’ ghiute

chiejannese ‘a libbretta,  ma chi è rimasto

chesta ‘un ‘o po’ fà.  Tirasse fore ‘o core

e pe na vota tanto ca se facesse masto.

Gioacchino Ruocco

Ostia Lido                       2015/10/04

Inserita nella raccolta “Ce steva na vota”