Ce vò arte ...

Taglià nu piezzo ‘e carne

ce vò arte,

comme a parlà

o a starsene in  disparte.

Chi taglia e ccose

a ddà fa  ‘a stessa cosa

pe nun fa ‘e ’nu mantiello

‘na scarzetta.

Songo uno ‘e chille,  ormaje,

ca s’’a spetta,

pe chesto nun me votta a capa sotto,

manco si veco futo sotto a me.

E bella l’alleria,

l’entusiasmo

e si me maca ‘o sciato

nun m’arrenno.

I’ songo asmeteco

e certo nun pretenno…

Tengo a bumbuletta

ca me sulleva ‘a terra,

ma pe te dà nu vaso

meglio c’aspetto

ca me ritorna ‘o sciato

ca ce vogl’jì a manetta

ca miezo arremmeriato

c‘arremmerio

zucanneto sta vocca,

stu cunfietto ?

Gioacchino Ruocco

Ostia Lido                           2016/01/29