Scazzellà

Quann’uno nun scazzella ‘o fanno fesso,

ma si scazzella troppo

ddoje vote ‘o fanno fesso invece 'e una,

pircio si t’è mangiato ‘e mmacarune

fa comme fanno ‘e scieme e a uno a uno

'e manne ‘nfantasia.

‘A vita è na pazzia

comme ‘a liegge liegge

Nisciune ‘a po’ curregge, è sempe ‘a stessa.

Qualcuno dice: - ‘A legge è legge.

Ma quanno t’hanno fatto ‘o serveziello

valle a cercà chi ce ‘o leva ‘a mano.

Scanzano scanzatenne,

Private privatenne e ‘a Mezapreta,

tornate a rreto.

Chisto è ‘o cunziglio ca te dongo ogge

e nun dà retta a chi te s’avvicina

ca quanno a te te vene ‘o riscenziello

t’hanno è ‘o mumento bbuono

pe te levà ‘a mano ‘o paranzuolo

e ‘a dint’’o core l’ommo ca te piace.

A me m’hanno fatto già ddoje vote!

Fatte capace chi è nu San Giacchino!

M’hanno levato a cuollo ‘o burzacchino

e ‘a sotto ‘a carrettella pure ‘e rrote.

Gioacchino Ruocco

Ostia Lido              2016/01/19