‘A figlia ‘e zi’ Rosa

Me pare ‘a figlia ‘e zi’ Rosa,

tene ‘a dicere su ogni cosa,

ma rosa nun è,

anduvina che r’è ?

Si tenesse sultante na spina

m’’a pigliasse comme aspirana

pe farme passà

‘e dulure ca tengo

ma doppo nu poco

sento ca svengo

me vene a noia

si nun me trattengo.

Me vene na jale

liggenne ‘o giurnale

ca liegge ma ‘e liegge

nun ce sta niente.

sultanto parole

ca c’’o viento  ca sciosse

me tremmeno ‘e cosce

quanno cammino.

Nun saccio addò jì,

nun saccio che fà,

nun saccio cu cchì

me l’aggia piglià.

Me pare pur’io

‘a figlia ‘e zi Rosa.

Me mbroglio, me sbroglio

ma comme aggia fà

ca nun riesco a campà

cchiù senza stu guaio

ca pur’io  nun saccio

che dico, che faccio

comme faccio a campà

un juorno senza ‘e essa

si nun pare cchiù ‘o stesso

si lascio stu vico ?

Gioacchino Ruocco

23.11.016