Chi sona ‘int’a nuttata…

N’hamme parlate già ‘e chistu fatto.

Chi sona ‘int’a nuttata è scustumato.

No pecchè me sceto e po’ nun dorme.

Pecchè adda purtà na serenata.

si sta guagliona tene a capa tosta ?

Se ne truvassa a n’ata cchiù tranquilla

c’ave piacere d’’o senti cantà

passanno na nuttata ‘e cammumilla

lloro a fa ll’ammore  comme vonno vonno

e nuie azzicco core a core

a fà chello chello ca fanno pure ll’ate,

c’ancora tenene ‘a voglia e sfrennesià.

Chell’ata sera quanno t’aggio vasata

diciste: - Che vullisse accummincià ?

E io:- Che cosa ? ma ‘a siente o nun ‘a siente

’addore ‘e rose ca me so’ misa ncuollo ?

Ma tu facenne finta ‘e nun capì

te si girate a chell’ata parte.

E io zitto e muto appriesso appriesso

te so’ venuto azzicco a scevulì.

Chi sono ‘int’a nuttata ‘un me da pace

me mette dint’’o core nu penziero

ca senza ‘e te nun songo cchiù capace…

Dimane me ne parte o me ne more.

Nun tene core chi ‘a porta nun l’arape.

e chi le votta na sicchio ‘e pece ncapa

si sono ancora pure a mille miglia.

Viata a sta guagliona ca so’ piglia.

Gioacchino Ruocco

Ostia Lido              27.05.016