Durmimmo ‘o stesso suonno…

Durmimmo ‘o stesso suonno…

I’ quanno tengo suonno ormaie m’addormo

comme a nu piro cuotto, senza requie,

comme a quanno me perde ‘mmiez’’a strata

doppo a n’appiccecata, pecche nuie

ce lassamme ciente vote 'o juorno e 

‘a storie è ‘a stessa, pecchè nun vuò capì

ca sta vita a nu mumento a n’ato pò fernì

e nun ce simmo date n’attimo ‘e pace.

Capisce ‘e fatte tuie. Quann’haie bisogno

te miette a capa sotto dint’a scesa

e curre curre pe ‘n  acchiappà mazzate

mentr’io me supporto chi t’è nnato

piglianneme ‘a colpa ca ne vene.

Quanno ‘o conto nun trovo chi ce crede

pecchè te vatte ‘mpietto e chiede a Ddio

e farse ‘e fatte tuie e io ‘e mie

pure si durmimmo ‘o stesso suonno

e stammo dint’’o lietto azzicco azzicco

e dint’a notte tu me vaie cercanno

si no nun duorme e nun me daje cchiù pace.

Tu si capace ‘e scetà  ‘o munno sano

si nun te cumpiatisco e nun m’ammusce,

ma ll’uneco refrisco ca canosco

fa finta ‘e nun capì o nun capisce.

Gioacchino Ruocco

Ostia Lido                  25.05.016