‘Ncimma a nu palazzo

Londra / Coven garden - Alveare urbano in cima ad un edificio. da " D di Repubblica."

‘Ncimma a nu palazzo

che sceppa ‘a dint’e ppiante

n’ape ca fino a ll’atu juorno

jeve cercanno ‘o mele

p’’a campagne

dint’’e sciure d’’e prate,

dint’’e prete de mure

d’’e piante ‘e nu sciardino

chino ‘e sciure

maie stracque d’’o viente,

e d’’o sole

ch’’e coce chianu chiano

comme a nu tiano c’’o raù ?

Ncimma ‘a nu palazzo

ce fanno ll’arte ‘e pazze

sultanto ‘e panne stise

e ll’aria è fatta ‘e tanta addore

ca ‘un s’arricorde cchiù

chiillo d’‘e rose,

chillo d’’e ciclamine,

l’addore tuio

quanno me staje vicino

ca subbeto m’arrazza

e me scapizza

a dint’a stu palazzo

addo  campo

stanco ‘e na semman ca te preo

pe nu poco ‘e gioia

e ‘o riesto c’arrecrea

ca nu dulore ‘e core

nun m’arricorde cchiù

'a cchiù ‘e nu mese.

Gioacchino Ruocco

Ostia Lido                 04.05.016