Suppurtazione

Si tu me dice , oj nì , ca me suppuorto

me sento muorto primma ca succere.

E si t’’o ddico io ca te supporto

me so’ sbagliato porta e torno arreto.

Può stà cuieta, ormaie  ca so anne

ca stamme assieme ma nu sgarbo ‘e chisto

nun t’aggio fatto maie. So’ cammurrista

ca nun me voglio fa piglià p’’o naso.

I’ nun me tiro arreto e nun ‘o faccio.

Si avesse capità ce me metto ‘o core.

Te sto vicino cu ll’anema cuieta

e nun te tire ‘e prete ca nun tiro.

Ll’unica cosa ca me piace ‘e fà

è dà cunzuolo cu na parola allera,

‘e pazzià fino a c’’o tiempo tene

‘a stessa voglia ca me sento ‘ncuollo

‘nziene cu ‘e figlie, nzieme cu ‘e nepute,

‘nzieme a chi  ‘o sape o nun l’è saputo

pecchè nun tene cape pe capì,

pecche nun se ne ‘mporta si succere.

Ritorna arreto e cerca n’ata via

pe nun muri ne ogge e ne dimane

mentre pe mmane tene qualche cosa

ca le dà ‘e gioie ca isso va truvanno

ca si è nu vizio ‘n ‘o porta ‘ncunfessione

c’’o pataterno a fa bbona a isso

cchiù spisso ‘e chi capisce e fa ‘o scemo

e pp’a ferni se votta sott’’o treno.

Gioacchino Ruocco

25/05/016