‘O tuosseco…

E’ amarosteco ‘o veleno.

Spute ca te fa sputà,

pe levarte  ’a vocca ‘o fele 

ca ‘un ce faie a suppurtà.

‘N ‘o piglià quanno si prenà,

dduje n’accire, mica uno.

Ero fesso ‘e suppurtavo

pure ‘a morte.

Mò c’arapo cchiù ‘e na porta

pecche tengo cchiù ‘mpurtanza

ogne ghiurno male ‘e panza,

stongo sempe a suppurtà.

So’ cuntento ma ‘o veleno

nun me manco, ne so’ chino.

Quanno ‘a sera torno stanco

che te dico o t’aggia dì.

Songo comme ‘o muorto ‘e famma

ca rimane ancora a ll’erta

cu na porta sempe aperta

pe n’ascì o pe trasì 

Quanno ‘o tiempo se fa brutto

e rummano sulo sulo

sento’o  friddo attuorno a me.

Ma pecchè sta vita è ‘nfame ?

Quanno stongo mmiez’’a via

cchiù ‘e qualcuno tene mente

cu nu sguardo prepotente.

A chi tanto e a chi niente !

Gioacchino Ruocco

Ostia Lido           24.05.016