Nun voglio
cantà cchiù
che vene a
ddì ?
Dummeneca ca vene è ‘a festa mia
che faie, passe
‘o juorno stanno zitta ?
Ma comme se po’
dì a n’aucellezza
nun cantà
cchiù,
c’’a voce
toia me scoccia ?
E’ overo ca tu
tiene ‘a coccia tosta,
ma si te ‘ncoccio
ca sotto voce
comme ‘o
viento canta,
te faccio ‘a
faccia brutta
comme sul’io
‘e vvote faccio
facenno ll’uocchie
‘e pazzo
e attuorno a
rota
fino a ca me
ne cacce.
Propri’ ogge
no
ca dint’’o
core sento
na canzone
nova !
Ma tu m’’o
faie apposta
o comme ‘o
soleto
‘o tiene
bello e fatto ?
Si nun ce
vonno sentere
nun pozzo
cagnà storia,
a musica, ‘a
chitarra !
Sulo si
faccio sciarra,
ma tu nun ce
pruvà
ca io nun
dico overo.
‘E siente
sti doie note ?
Che te ne pare
?
C’esce na
serenata
ancora pe fa
ammore
strigennnete
nu poco
‘nopp’a stu core ?
Gioacchino
Ruocco
Ostia Lido 22.06.016
Nessun commento:
Posta un commento