Tra ‘o scarparo e ‘o bancariello…

Me faie ‘e cunte ‘ncuollo

e  ‘un te rencrisce

‘e perdere ‘o tiempo,

‘o filo, ll’aco e ‘e chuiove !

Pecchè ce staje a  mettere nu spavo

c’a ddà tenè astritto

‘a sola e ‘o guardunciello

senza ca sia ‘ncerato  ?

Ma chesto è sulo ammore
‘e guaglincielle!

‘O spavo si ‘n è buono

senza cliente resta ‘o scarpariello.

‘E friarielle nun songo p’’e  criature

Ca ‘un ce ‘a fanno a suppurtà ‘o forte.

Quanno s’hanno dato nu vasillo

si scoccione d’’e ‘mbicce

c’ammore porta appriesse.

‘A mia me diceva

vaco a jucà ‘e nucelle.

Mmangiammancelle nuie

Io le dicevo, ca si’e pierde

p’’a nervatura

ce rusecammo ‘e diente.

Ma io songo ancora na criatura,

che vaie truvannio a me ?

Ma che vulisse fà già’o maretiello

che me cumanno

comme cummanno petemo ?

Si tiene chesta chiocca cagnatella

ca primme ‘e me spusà ne cagno mille

e quanno trovo ‘o bbuono

chillo me piglio.

Gioacchino Ruocco

Ostia Lido           01.06.016