‘E vote me ne vaco all’atu munno
p’’o sfizio ‘e sapè comme te
truove.
Quano m’addormo cado int’’o
sprufunno,
dorme pesante comme ‘e prete ‘e
lava.
Songo penziere ca vanno luntanno
passanno ‘a vocca ‘e lupo ‘e
chistu vico.
Me trovo int’a nu cunto troppo
antico
cu facce ‘e scurpiune a farme
aggrisso.
E vaco, e vaco e nun fernesce maie
Sta via c’’o suonno antico me fa fà.
‘E bomme! Che so’ ‘e bomme? Nu
ricordo
‘int’a stu paisagge d’’o seiciento
addò se trova ancora nu mulino
ca gira pecchè llà soscia nu
viento
sempe cchiù ‘nzisto, nu sisco ‘e mala gente
ca nun le ‘mporta niente d’’o murì.
‘E vote nun capisco addò sto ghienno.
Me perdo ? Guardo attuorno e nun
m’arrenno.
Io so ‘nnucente, nun aggio fatto
niente
me vene a dì si qualcuno sente.
Po’ na resata ca ‘un fernesce maie.
Nu rutto ‘e cielo ca fa tremmà ‘a
terra
comme a quanno succedette ‘a
guerra
ca m’addurmeva pe terra ‘miez’e
canne.
Sento ‘a luntano comme na voce ‘e
mamma
ca dice ca pe me ‘n è tiempo
ancora.
Ca essa è assie felice. Stà a
bonora.
Tornate arreto. Io stongo bona
ccà.
Quanno fernesce ‘o suonno verso ‘e
cinche
Me
soso miezo ‘ntrunato e tinco tinco
vaco ‘int’’a cucina a fa ‘o cafè
m’attuorno è comme si ce fosse essa.
Curre fa ambressa ca voglio sentì addore
d’’o cafè ca faie. E’ ‘a mano soia
ca dint’’o setacciello ce ne mette
tanto
facenno ‘o muntucciello ca faceva.
Ce mette nu minuto ‘a machinette
e addore se spanne ‘int’’a cucina.
M’assetto, ‘a guardo ‘nfaccia, è
Rafilina
ca nzieme ‘a me se piglia ‘a
mericina
comme essa chiamma ‘o cafè ca fa.
Na vota scuppiaje a machinette,
na cchiù passene ‘e juorne e cchiù
ne mette.
Chi ‘o sa si vene ancora a me
truvà
pe ce assettà difronte mentre
aspetto
ca se fa ‘o tiempo mio. ‘A
machinetta
pare ca tene ‘a neve dint’’a
sacca.
I’ che delore ‘e capa stammatina.
Gioacchino Ruocco
Ostia Lido 19.09.016
