Gente ca preja

Gente ca preja

che va truvanno a Ddio?

Che pozzo chiajtà

si Isso ha fatto ‘o munno

ca ognuno ‘e nuie

se po’ piglià ‘o suio ?

Chille cchiù gruosse

metteno paura

e tu lassele perdere

e nun ce avè a che fà.

Si proprio vaje a sbattere

contro a qualcuno ‘e chisto

nun fa ‘o cammurristo comme a isso.

Falle capì sultanto

ca ‘un c’è bisogne ‘e sante

ca già ne tiene uno

ca penzo a tutto quante.

Ca si se porta buono

forse ‘o farranno santo

cu a mascella sana

pe ruseca suscelle

p’a tosse ca le vene.

Ce n’aggio date tante

quann’eremo guagliune

c’ancora isso me scanza

pe ‘n acchiappà schiaffune

pur’ogge.

Me guarde ‘e rire

e io m’’o guardo e penzo

ca si fosse pe me

io le facesse ‘o ncienzo

ca ogne tanto ‘a recchia

m’arriva qualche cosa.

Ma po’ quanno ce penzo

cagne penziero.

Aiere ero guaglione,

ogge so’ furastiero

e ognuno sta’ int’o suio.

Qualcuno va dicenno

ca cu na mano piglia

e cu chell’ata renne

a chi ave bisogno.

Ma quanno appienne ‘ o chiuovo

sangue nun aiesce.

Se spoglia ‘e tutte cose

e chesto me rencresce.

Quann’eremo guagliune

nun ‘o facevo sante.

Io le ne rette tante,

forse facette buono.

Gioacchino Ruocco

21.09.016   Ostia Lido