Pe do' m'aesce...

Pe do’ m’aesce…

Te voglio raccuntà nu fatto strano.

E’ na semmana ca nun trovo pace.

Te guardo e me ne fuie tantu luntano

Ma po’ me giro e t’astregno ‘e mmane

Comme a nu piezzo ‘e pane, pronto, cuotto

E cu n’addore ‘e furno ca me fa ‘mpazzi.

Staie a nnante a me ca me guarde speruta

E te guardo can un è fernuta

sta vita nosta ca se fa cchiuù tosta

tutt’’e juorne facenne cose can un

me piglio scuorno pe darte ‘a gioia ca

‘a tantu tiempo tu me staie a cercà.

Si me vuò bbene ‘o tiempo nun avasta

Se io nun duro tutta n’eternità

Ca pare tanta e a me me pare niente

Si cu nu sciuscio ‘e viento se ne vola,

si basta na parola comme aiere

pe me levà ‘o piacere ca sentevo

mpont’’o musso gia astritto dint’’e mmane.

E’ na semmana ca me piglia e passa

Tutt’’a pucundria ‘e chistu munno.

Ca me porta ‘nfunno pe nu guaio

E fa tucca ‘o cielo cu vaso

Pe do’ ma esco e po’ pe do’ me trase.

Gioacchino Ruocco

12.09.016   Ostia Lido