Quanno si viecchio…

Quanno si viecchio

sulo ‘o penziero te mantene vivo

‘e tutto chello ch’è campato e fatto.

Ma ‘n ‘o cuntà a nisciuno,

manco distratto

comme si sragiunasse.

Sentì ‘o stesso fatto tanta vote

t’’o fa venì a noia

quase te scuccia.

Ma che facive ‘o ciuccio

o faticave?

Chesto vo’ di chi zenneia cu ‘a capa.

‘A gente vò fà ‘e passe ca vò fà

ca si nu’ sbaglia

nun le pare ‘e campà.

Certe ca quanne ‘e sbaglie so’ pesante

manco ‘o cunfessore ‘e vò sentì.

Che le po’ dì ?

‘A vulentà c’’a cumbinata ‘o guaie

nun era chello ‘e Ddio

ma d’’a signora c''a conta e sta chiagnenno.

E chi ce ‘o dice mò a mio marito

c’’o muorzo sapurito nun ‘o trova ?

Facitele quatt’ove sulo pe isso.

Nu carezzielo nu poco cchiù spisso

e chillo se fa fesso isso stesso

e s’accuntenta pur ‘e nu cachisso.

Gioacchino Ruocco

Ostia Lido         12.09.016

Inserita nella raccolta "Sfrennesianno"