Fra poco è primmavera…

Se sta sfuganno ‘o tiempo,

fra poco è primmavera.

Ogne sera voglio passa a du te

cu n’anema sincera

comme so’ sempe stato.

‘E te me songo nnammutato

a quinnicianne.

‘O primmo vaso

è stato na pazzia.

Me l’è arrubbato tu

lasciannece na sera

sott’a casa toia.

T’accumpagnaie a casa.

ca chiuveva .

Chiuveva, nun chiuveva.

nun m’arricorde cchiù.

Te n’aggio date ancora

tante appriesso

ca te vasaie tutt’’a giuventù.

Si t’arricuorde tu,

meglio accussi.

Ognuno tene ‘a  fà

‘a parta soia.

Si  tu ‘un t’arricuorde

ce penzo io

e si songo io

ca me distraie ancora

m’astrigne ‘a mano

pe me dà curagge

si no me pigli’ arraggia

ca ‘un m’arricorde

chello ca sento ancora

vivo  dint’’o core

c’appena nu guaglione

già te vulevo bbene

comme a n’ommo fatto.

E t’astrignevo ‘e mmane

fino a farte male.

Che modo strane

‘e dirte ‘o bbene

ca io te vulevo,

ca nun sapeva esistere

neppure nu minuto

senza te sta vicino.

Gioacchino Ruocco

Ostia Lido        14/09/016