A faccia ‘e chi…

A faccia ‘e chi…

A ffuoco allero fà piglià culore

'o ttrigliato ‘e cepolla.

Accumpagnalo cu nu lardiciello

tagliato fino fino

fino a squagliarse

mentre tu ‘o cucino

dinto a na fatta

e uoglio ‘auliva dunciglio

ricato quanto vuò,

quanto te piace.

Fraditanto

arvere teniente

‘e mmezzanelle

dinto a caurara.

Quanno so’ cotte

sculele per bene

E ravacale dint’a la tiella

addò ancora frie

tutto ‘o zuffritto

‘ormaie sdelenguto.

Ammiscalo

fino a ca l’uocchie ‘o vonno

e accuoncelo,

derammato bbuono,

c’’o pepe janco

macenato a frisco

e ‘o putrusino asciutto

ntretato fino fino.

Quanno si stanco assettate

e fatto ciutto ciutto.

a miezojuorno 

e susete

sulo quannosi sazio

a faccia ‘e chi te mmiria

pure ‘o male.

Gioacchino Ruocco

Ostia Lido       2015/11/27