Trase

Trase…

E mica so’ geluso!

Trase. E’ aperta.

Nun chiro maje ‘a porta

quanno ‘o viento

è nu sciuscio

e ll’aria s’addurmenta

e addore ‘e menta

resta fore ‘o terrazzo

a suspirà.

Trase, tieneme mente.

So forse uno ca

te mette suggezione ?

So ancora annuro

comme a nu guaglione

‘nzieme cu te, annura pure tu.

Tutta na vita

ammo passato assieme

e mò me faje chesta jacuvella ?

Fammete guardà !

Si ancora bella

annura comme staje.

Lascia ‘e penziere

ca si songo guaje

ne parlammo dimane

E a mmano a mmano

agghiustammo ‘o riesto.

Che ghiurno è ogge ?

Che ce ne ‘mporta!

E’ Festa o nun è festa

‘o tiempo ca me resta

io voglio stà cu tte

guardanno d’’a fenesta

tutto stu bbene ‘e Ddio.

Nun è d’’o mmio ?

E a me che me ne ‘mporta.

tanto a guardà nun costurrà maje niente.

Gioacchino Ruocco

Ostia Lido             2015/11/02