E’ overo o nun è overo…

Na maniata ‘e fesse

me vo levà ‘o permesso

‘e trasì ‘nt’’a chiesa.

E n’ata maniata

stavota ‘e sfaticate

diceno

ca nun capisco niente

‘e chello ca succede.

Fanno parrocchia ‘e credeno

ca lloro si che ponno,ca sanno

 comme se fanno ‘e ccose,

c’’o ddice pure…

Ma vide che te cacceno,

ma “pure” chi sarrà ?

So fesse o fanno ‘e furbe ?

Nu juorno ‘e chisto

me vesto ‘a Ddio pur’io…

E’ overo o nun è overo

so sule fatte mie.

Io tengo sempe fede

a chello ca te dico.

M’ha visto maje ‘e chiagnere ?

Che songo io nu tristo ?

Io so’ nu poco ‘e bbuono

ma maje  nu cammurrista.

‘E frate so’ tutta ‘a ggente

c’attuorno  me vo’ bbene,

e ca me leve ‘e ppene

sulo cu nu sciato.

Viato a me ca tengo tanta frate

Viato a me ca tengo nu reparo

pe quanno è maletiempo

quanno me cresce ‘o sciore

e ave bisogno ‘e acqua.

Gioacchino Ruocco

Ostia Lido                 2015/11/24  h 14,25

Inserita nella raccolta “Ce steva na vota…”