Me pare na festa

                                                          

Ogne ghiurno me pare na festa

Quanno ‘e sciure ‘int’’a testa so’ frische,

quanno ‘’e panne ca stienne so asciutte

e ‘o cielo s’addorme cu n’aria serena.

Quanno ‘o cielo durante a jurnata

tene addore d’’o ppane sfurnato

E ll’auciello ‘int’’o sole cantanno

Voleno pazze pazziane cu ‘e mure

Addo poseno ‘e scelle ogne tanto.

Tu ‘o stesso currenno e pazzianno

pare n’arille cu ll’anne ca tiene.

Comme è belle sentì ‘o sango ‘int’’e vene.

‘A canzone ca canta me parla d’ammore

e pretenno a stu core ca fa ancora

‘o guaglione ‘e pazzia comme ‘e criature

annoscoste a rete a nu mure addò

nu vaso  po’ sempe arrevà si ‘o vuò.

Tanto nun tengo che fa ? Tu che faie

Cu tutt’e mmasciate ca me porta na

palomma c’attuorno  gira pe te.

Basta poco pe fa ‘e chistu munno

‘a casa cchiù bella ca pe me ce po stà

pure quanno chiove e me nfonno,

quanno ‘e vvote me viene a cercà

e nun tengo ‘o tiempo pe dirte

tutte chello c’’o core è capace

quanno annanze te pare e pare

na nuvola cu ‘a faccia  d’o mare

ca me vò tutt’e vvote purtarme

luntano a ddò ‘o viento se porta

ogne affanno ca ne tengo na sporta

a che stongo cu tte c’appriesse te

vene miezo munno ‘e guagliune.

C’’o stesso penziero ca faie finta

e faje finta ‘e nun ‘e capì.

Pecchè nun le dice ca staje cu me ?

Gioacchino Ruocco

Ostia Lido                  2015/11/12