Chi te diceva ….

Chi te diceva piecuro

p''a capa tosta toja

s'era scurdato ‘o core

'e guagliunciello ca tenive.

Pure si t’annammure

n’ati cciente vote,

tiene na capa tosta

e pare c''o faje apposta

a te sbagljà guagliona.

Chi è sta Cuncittina

c''a staje attuorno a n’anno

e te risponne: Be!

Che vaje truvanno ‘a me?

Facite a chi è cchiù tuosto

o state priparanno

qualche surpresa ?

Quanno ve veco assieme

site na bella coppia.

Site n’impresa,

na razione roppia.

A mmiez’’o llargo a Pace

stanno aspettanno ‘e bbotte

ma dint’’o votta votta.

veditevenne bbene.

Chi te diceva piecaro

mò guarde e aspetta,

ma tu nun darle retta,

nun te fà ‘mbriacà.

Gioacchino Ruocco

Ostia Lido 2015/11/21