Puozze sculà…

Puozze sculà tu e ‘o male ‘e riente!

Puozzo sculà chi nun  tene niente

ma sempe a mmiezo sta

cu acqua e vviento.

Puozzo scula p’’o bbene camme vuò,

ca troppo bbene

nun porta niente ‘e bbuono.

Ma fatte ‘e fatte tuje na meza vota

falle girà ‘a rota addo vò essa.

Vaje sempe ‘e pressa!

Ma a ddò ja jì

si tu nun parte maje?

‘O ssaccio te pripare

pe ogne occasione,

ma è n’arrevuoto a casa

e vuò sempe ragione.

Fa friddo e vaje giranno a carne annure.

A costo ‘e fa venì  na nervatura

quanno te siente male.

T’’o ddico pecché te voglio bbene,

me faje gelà ‘o sango dint’’e vvene.

Puozze sculà, ma tu nun scule maje

manche ‘a pasta fina

ca pare pasta in brodo

‘O broro me piace si è broro.

Oj nì, t’’o voglio dì  cu tutt’’ core:

-   Famme sculà tranquillo

quanno more.

Gioacchino Ruocco

Ostia Lido                 2015/11/16