Accommeto.

Avimmo fatto accommeto,

ma tu nun te cunvince,

ca si 'un ‘a vince tu

nun te va bbene niente.

‘E scale so’ tropp’avete,

scenneno può carè,

ma tu a ddoie a ddoie

te faie tutt’e juorne,

ca io me piglio scuorno

sempe a t’’o dicere.

Io parle ‘e fasulille

e tu rispunne a cicere.

Che bella casa tiene !

Se vede tutt’’o munno

e io che t’ave dicere

che stevo ‘int’’o sprufunno ?.

C’ire venuta tanta vote

quann’eremo guagliune

e primme ‘e ce spusà

quase ogne ghjuorno

ca quanno tu m’è ditto

‘e fa chisti lavore

nun ce credevo proprio,

ca tu ‘e tirave fore..

E invece cagna chesto

e  po’ cagne chest’ate

sta casa è addeventata

cchiù ‘a toia c’’a mia.

Che c’è rimasto ‘e primma ?

‘O cielo, ‘o mare, ‘e stelle

‘o rampicante ‘e edera,

na testa ‘e margarite

e ncopp’’o muro ‘e ll’asteco

duie piezze ‘e vrite

ca primmo ‘o doppo

me tocca d’’e leva

pecche è cchiù pulita

sta casa a dinto e ‘a fore.

Spero ca resta ammore

senza tirarce ‘o vrito.

Gioacchino Ruocco          

Osrtia Lido            08/08/016