Quanno è stato… ?

Quanno è stato… ?

Doppo ‘a stagione

chello ca è stato è stato

ca ognuno ‘e nuie

è truvato ‘a strata ca vuleva

primmo c’’o funno

nun nun truvava  ‘o funno

e ‘o munno attuorno

se faceva sempe cchiù amaro

ogne ghiuorno.

‘O saccio ca songo nu latuorno

e ogne ccosa ‘a voglio ‘o posto suio,

ma io nun faccio finta

cu ‘e capille tinte

‘e tenè ancora quinnice anne.

Canosco na perzona ca so’ anne

ca quanno ave ragione

ce ne vonno quatte

p’’a fa sta zitta appena nu mumento,

ma quanno all’ave tuorto

nun ce sente,

fa finta ca 'un è capito niente.

E po’ se n’esce: - Io t’avevo ditto,

ca si te vene a dicere: - Ma quanno,

p’’a fà sta zitto ce vò quase n’anno.

Si aggio ragione pecchè me tocca ‘o ttuorto ?

Sta juacuvella sta jenno a parte ‘e nanze

d’’o juorno doppo ca me so’ spusato.

e mò me ne so accorto ?

Quanno è stato ? E’ stato ‘o juorno

ca me so scurdato ch’ero ‘o nomme suie

‘o stesso juorno ch’è  ’o nomme mio

e io senza parlà senza dì niente

pigliaie ‘a lengua e me ne stette zitto.

‘O pesce quanno è fritto ormaie è fritto

E haie voglia ‘e fà l’ommo deritto.

‘O rump’a pazziella e te ne vaie

Si no pe tutt’’a vita ‘miez’’e guaie.

E nun fernesce llà !

Quant’ate messe è a dicere

quant’ate n’è  a sentì.

                                                               Gioacchino Ruocco

                                                               Ostia Lido            21.08.016