Na risposta….

Ma quanto songo fesso!

Invece ‘e me fa sule ‘e fatte mie

me vaco a mmiscà mmiez’’e cose ‘e llate

comme si fosse ‘o pate, ‘o frate, a sora

a nora, ‘o nonno, ‘a zia, nu parente…

Ma fatte ‘e fatte tuie uno m’ha ditto !

Ma chi te cride ‘e essere ?

Fusse parente a Ddio ?

Tu si nu ddio ‘e fesso

e staie rumpenno ‘o cacchio.

Appicce fucaracchio tutt’’e juorne

stanno luntano senza sapè ‘e che parle.

Sti quatte giurnalette ca tu liegge

so’ na scurregge ‘e chi ca cumanna

c’appanneno ‘o cervello.

‘O buco ‘nterra… ma allora ‘e che campammo

‘e tutt’’a fetenzia ch’è sempe ‘a stessa ?

Sultanto ‘e fesse scriveno

nuie ce mettimme ‘a vita.

Si aspiette na minacce

agge aizate ‘e bracce.

Si vuò qualche carizzo

io nun te taglio ‘a faccia.

Pur’io aggio campà

quann’esco ‘a libbertà.

M’hanno mbarato c’’o sgarro è nicessario

cu ggente ca putesse fa sta vita

cchiù degne pure pe ll’ate.

Che maniata ‘e fesse

e songo sempe ‘e stesse.

Gioacchino Ruocco

Ostia Lido              10.08.016