Quanno te vene ‘o mese…

Quanno te vene ‘o mese

a uso tuie faie  chello ca vuò

ma ‘o cuso e scuso ‘un te cunviene ,

nun te va proprio ‘e fà.

E nu pertuso aspetta

pe cchiù ‘e na semmana

ch’’e mane nun ‘o sanno

chello c’hanno fà.

E arrassa a me me tocco ‘e te restà.

Si faccio ‘o passo annanzo

tu me rimanne arreto

me tocca ‘e sta cuito

‘a cosa ‘un se po’ fà.

Si ogge ‘o cielo lampa,

dimane nun c’è scampo,

doppo dimane è stampa

e tu me cunte ‘o fatto

d’’a gatta mammone

ca senza cchiù purmone

nun ce riesce a stà.

Io cu ‘a faccio tosta

credo c’’o faie apposta

pe ‘n me fa acquartirà

Comme a nu pullicino

ca senza a mamma voccola

luntano ‘un ce sa stà

ca ogne tanto mmocca

qualcosa ‘o sta a ‘nfilà.

Gioacchino Ruocco

Ostia Lido           31.08.016